جدعنة المصريين اللي حيرت العالم..موقف لا يصدق مع السيسي

فيه اهتمام كبير وتركيز أكبر من مؤسسات دولية على اللى بيحصل فى مصر فى اخر 15 يوم.. وفيه دهشة واستغراب من موقف المصريين من الرئيس السيسي ومن دعم الشعب للدولة المصرية فى موقفها ضد اسرائيل ومساندة أهالى غزة فى الحرب غير الانسانية اللى بيشنها عليهم جيش الكيان الصهيوني.. ومعظم المؤسسات الدولية كانت بتراهن على ان الشعب وتحت وطأة الظروف الاقتصادية الصعبة ممكن مت يقفش مع القيادة السياسية وممكن يخرج عشان يشتكي من الأوضاع المعيشية الصعبة.. فيا ترى ايه سر موقف المصريين اللى حير العالم ؟ وايه سبب الدعم غير المحدود للرئيس السيسي؟

فى آخر كام سنة فيه دول كبيرة جدا وأجهزة مخابرات مهمة صرفت مليارات الدولارات لنشر الفتنة فى مصر وتهييج الناس على القيادة السياسية ومحاولة الايحاء ان الاوضاع بتبوظ.. ومصر هتفلس.. والناس مش هتلاقي تاكل.. وكل ده لغرض واحد بس ان الناس تقلب على الرئيس السيسي فى محاولة من الامريكان والغرب لابعاد السيسي عن المشهد بعد ما كان سبب رئيسي فى اجهاض مشروع الشرق الأوسط الكبير اللى امريكا كانت بتخطط لتنفيذه بمعاونة جماعات متطرفة فى المنطقة.. وطبعا الأمريكان مش قادرين ينسوا للرئيس السيسي موقفه ده وبيحاولوا كل فترة انهم يحطوا قدامه العراقيل بس الغريبة ان الرئيس السيسي بسبب جدعنة المصريين كل مرة بيوجه ضربة قوية لمخططات الأمريكان.

طب هل اللى بيحصل فى غزة ليه علاقة بالضغط على السيسي؟

اللى بيحصل فى غزة أكد من اول يوم ان الهدف مش فلسطين خالص ولكن مصر هى الهدف وده اللى ظهر بعد كده لما الاسرائبلببن أعلنوا نواياهم الخبيثة بتهجير اهالى قطاع غزة الى سيناء وطبعا الهدف من ده حاجتين بتحاول امركيا تنفذهم الاول تصفية القضية الفلسطيمية بشكل نهائي والتخلص من صداع حركة حماس وباقي فصائل المقاومة الفلسطينية وتانى حاجة توريط مصر فى أزمة كبيرة من خلال نقل أكتر من مليون فلسطيني الى سيناء وده اللى حذر منه الرئيس السيسي وقال ان مصر بترفضه بشكل قاطع.

وعشان يشرح الرئيس خطورة الأفكار الشيطانية للأمريكان والاسرائيليين اتكلم الرئيس وقال لو تم نقل اهالى فلسطين الى سينا واستمرت مقاومتهم للاحتلال وضربوا مثلا اهداف فى اسرائيل ورجعت اسرائيل ردت عليهم وضربت تجمعات الفلسطينين فى سينا هنا هتكون اعتدت على اراضى مصرية وده هبتسبب فى جر مصر لحرب مع اسرائيل

طبعا السيناريو اللى قاله الرئيس السيسي سيناريو خيالى مصر عمرها ما هتقبل بيها بس كان بيقولوا عشان يوضح للغرب خطورة اللى اسرائيل وامريكا بيخططوا ليه.. وايه اللى ممكن يحصل فى المنطقة كلها بسبب الافكار الشيطانية للموساد والسي اي ايه

نرجع بقا لموقف الشعب من اللى بيحصل ؟

زي ما قولنا لحضراتكم من شوية فى وقت كانت فيه دول غربية بتتوقع ان الناس ما تقفش مع الدولة بسبب الظروف الاقتصادية الصعبة اللى كلنا بنعيشها .. العالم كله اتفاجئ بجدعنة وشهامة الشعب المصري وازاى نسي الأزمات الاقتصادية وأحواله المعيشية وارتفاع الاسعار بشكل جنونى وقدم كل الدعم لأهالى غزة ولموقف مصر التاريخي المساند للقضية الفلسطينية.

واللى راهنوا على كده ما يعرفوش معدن الشعب المصري ولا جدعنة وشهامة المصريين اللى بتبان وتظهر بشكل اكبر فى أوقات الأزمات الصعبة .. وما يعرفوش كمان العلاقة اللى بين الناس والرئيس السيسي وحجم الثقة اللى بيتمتع بيها بين غالبية الشعب المصري بسبب انحيازه طول الوقت للناس ومشاكلهم

وفى مصر وقت الشدة أهلها بيقفوا مع البلد وممكن يعملوا اى حاجة عشان الازمة تعدي على خير وان شاء الله مصر تعبر كل الايام الصعبة اللى بنعشها ونطمن على اهلنا فى فلسطين ونقدر نحل كل المشاكل والأزمات الاقتصادية اللى مش مصر بس اللى بتعانى منها لكن معظم دول العالم بتشتكي من ارتفاع تكاليف المعيشة ومن اسعار السلع والخدمات