زيادة الحد الأدنى للمعاشات في 2027.. اعرف التفاصيل
الجمعة 06/نوفمبر/2026 - 06:00 ص
أصحاب المعاشات على موعد مع زيادة جديدة في يناير 2027، لكن خلي بالك، مش كل أصحاب المعاشات هيستفيدوا بنفس الطريقة.
الحد الأدنى للمعاش هيرتفع من 1755 جنيه لـ2080 جنيه، يعني زيادة 325 جنيه شهريًا، والزيادة دي مستهدف منها حوالي 380 ألف مواطن من أصحاب المعاشات والمستفيدين عنهم.
ومش أي حد بيقبض معاش هياخد الـ2080 جنيه، لازم يكون مستوفي شروط الاستحقاق، وأهمها مدة اشتراك تأميني لا تقل عن 15 سنة، والاشتراك على أساس الحد الأدنى لأجر الاشتراك التأميني.
طب هل الزيادة لكل الناس؟.. طبعا لأ، قيمة المعاش بتختلف حسب الأجر التأميني ومدة الاشتراك، والحد الأدنى الجديد بيتطبق على الحالات اللي مستوفية الشروط بس.
الزيادة هتبدأ مع معاشات يناير 2027، فلو أنت صاحب معاش، مهم تعرف موقفك التأميني وهل تنطبق عليك شروط الاستفادة ولا لأ.
