شهادة ادخار بسعر فائدة 250%..هتاخد 250 ألف جنيه على كل 100 ألف جنيه

البنك العربي الافريقي الدولي مطلع شهادة ادخار إسمها شهادة اميرالد هتديك 250 ألف جنيه على كل 100 ألف.. ايه هي تفاصيل الشهادة تعالي وأنا اقولك..

في شهادة اسمها شهادة اميرالد من البنك العربي الافريقي الدولي مدة الشهادة دي عشر سنين.. الشهادة بتقدم عائد 250% وهو عائد تراكمي..يعني هتاخد العوايد آخر مدة الشهادة.. فمثلاً لو حطيت 100 ألف جنيه هتاخدهم 250 ألف جنيه بعد عشر سنين.. ولو حطيت مليون هتاخدهم 2.5 مليون جنيه بعد عشر سنين.

الحد الادنى لربط الشهادة خمس تلاف جنيه ومضاعفات ألف جنيه..وممكن تاخد قرض بضمان الشهادة بمبلغ بيوصل ل 90% من قيمة الشهادة.. يعني مثلا لو كنت حاطط مليون جنيه في الشهادة.. تقدر تاخد قرض بحوالي 900 ألف جنيه.

البنك بيسمح باسترداد قيمة الشهادة بعد مرور ست شهور من تاريخ الاصدار وفقاً لجدول الاسترداد بالبنك.