بوادر إنتهاء أزمة الديون وتحرك كبير في التنمية بين مصر والصين .. أعرف التفاصيل
تأثير البريكس بدأ يظهر ويبان، وكل كلامنا من شهور عن قرب إنتهاء الأزمة الاقتصادية في البلاد بيتأكد النهاردة في قرارات ومذاكرات رسمية.
خبر سعيد ومهم حصل النهاردة الخميس هيقضي على جزء كبير من مسألة الديون ويحقق التنمية الاقتصادية في البلد .. تعالوا معانا نعرف إيه اللي حصل
من دقائق شهد رئيس مجلس الوزراء الدكتور مصطفى مدبولي، مراسم توقيع مذكرة تفاهم لتعزيز التعاون بين مصر والصين في مجال مبادلة الديون من أجل التنمية.
وتم توقيع الاتفاقية على هامش مشاركة مصر في فعاليات الدورة الثالثة لمنتدى الحزام والطريق.
الاتفاقيه طبعا بتهدف لتعزيز التعاون بين البلدين في مجال مبادلة الديون لتنفيذ مشروعات تنموية، وفق بيان صدر اليوم لرئاسة مجلس الوزراء.
مبادلة الديون بتعتبر من الأدوات التمويلية المبتكرة اللي شغالة الحكومة المصرية عليها عشان تحقق التنمية المستدامة وتنهض بالبلد.
