بانكير في حتة تانية.. انفردنا بقرارات الرئيس النهاردة من 3 أسابيع.. في الشدة هتلاقيه
ليه الرئيس السيسي أعلن عن القرارات الجديدة للمصريين، وليه القرارات دي كانت متوقعة من الرئيس وإزاي السيسي ضرب كل الاشاعات ومخططات التآمر في كلمة واحدة، وليه بانكير توقع القرارات دي من فترة كبيرة والرئيس مخيبش الظن.
زيادة جديدة في المرتبات وتخفيض الضرائب مفاجات الحكومة للمواطنين.. دا كان عنوان الفيديو اللي نشره بانكير على منصات السوشيال ميديا وقلنا فيه إن الحكومة بتدرس عدة قرارات مهمة هيتم الإعلان عنها في الفترة اللي جاية ودا كان بتعليمات مباشرة من الرئيس السيسي والنهاردة الرئيس أعلن عن 8 مفاجأت أسعدت ملايين المصريين من الموظفين وأصحاب المعاشاات والمزارعين وأصحاب المهن والصحفيين.
وقلنا وقتها إن القرارت ببتم دراستها بعد ما وصلت تقارير للرئيس السيسي بالوضع الاقتصادي ومعاناة المواطنين وقلنا إن فيه اجراءات قوية في الطريق لأن الرئيس مش بيبسب المواطن للظروف الصعبة وإن القررات دي غالبا بتتعلق بزيادة المرتبات من ناحية وتخفيض الضرائب من الناحية التانية عشان الناس تحس بالفرق والزيادة وقلنا إن الحل دا هو الوحيد عشان الناس تواجه أيام الغلاء وارتفاع الأسعار.
وقلنا بردوا إن الحكومة بتدرس رفع المرتبات وتحفيض الضرايب بعد الكشف عن زيادة معدلات التضخم وإن الدولة ممكن تلجأ لحل تاني بعيد عن رفع سعر الفايدة الللي بيتعب الناس والحقيقة الرئيس السيسي كان عند حسن ظن المصريين وظهر في الوقت المناسب عشان يقول للناس إحنا جمبكم ومش ممكن يسيبهم فريسة للإشاعات وحملات التشكيك وتشويه الإنجازات واستغلال أزمة الدولار والتضخم والنفخ في النار واللعب على وتر العلاقة بين الرئيس والشعب خاصة قبل انتخابات الرئاسة اللي جاية.
قرارات الرئيس النهاردة مكانتش عشان الانتخابات الرئاسية إطلاقا لأنه عودنا إنه في الشدة في ضهرنا وإنه عمره ما استغل الإنجازات في تليمع اسمه بدليل إن مفيش مشروع واحد في البلد عليه اسمه رغم إن دا حقه بعد الطفرة الكبيرة اللي حققها في التنمية والنقلة النوعية في الاقتصاد، لكن المواطن أولا دا كان شعار الرئيس والصراحة هي لغته اللي مايعرفش غيره واقتحام المشاكل من أساسها واللجوء للحلول الصعبة مهما كانت النتائج وعشان كده الناس وضعت ثقتها في الرئيس لدرجة إن السيسي نفسه استغرب من صمود المصريين وتحملهم الأعباء وقال كده في خطاب ليه لكن لأن الرئيس استغل بإخلاص فالناس صدقته لأنها شايفة اللي بيتحقق بعنيها وعارفة ان الأزمة على كل الدول.
