أول تهديد رسمي للأمريكان.. بوتين يشعل حرب الدولار

زي ما كلنا عارفين من سنين طويلة وفيه صراع شرس وحرقب باردة بين الأمريكان والروس والولايات المتحدة مش بتسيب اى فرصة ممكن من خلالها تقضي على روسيا الا وبتعملها حصل ده فى ملفات سياسية وملفات اقتصادية كتيرة كان اخرها الحرب الروسية الاوكرانية اللى حاولت امريكا تستخدمها لصالحها بهدف اضعاف روسيا وتجريدها من كل أدوات قوتها وتم ده من خلال حذف البنوك الروسية من النظام المالى العالمي وكمان تجميد اصول وحسابات بمليارات الدولارات للحكومة الروسية فى البنوك الأمريكية.. لكن المواجهة بين الروس والأمريكان خدت أبعاد جديدة فى الشهور الأخيرة والحرب بقت معلنة.. وموسكو بدأت هى كمان تلاعب الأمريكان بنفس الطريقة ومن خلال حاجات توجعها وطبعا ما لقيتش أفضل من الدولار اللى امريكا مسيطرة بيه على العالم.. واستغلت روسيا قيادتها لتجمع بريكس وبتقود اتجاه عالمي للتخلى عن العملة الأمريكية فى التجارة العالمية.. ومن امبارح ولحد النهاردة روسيا بقت بتهدد أمريكا بشكل علني وبتقول بعلو صوتها ان زمن هيمنة وسيطرة الدولار هينتهي وان مفيش دولة واحدة بس هي اللى هتتحكم فى مصير العالم؟

اللى بيتابع كويس تفاصيل وكواليس اللى بيحصل على الساحة الاقتصادية فى العالم عارف ان فيه اجتماع مهم وخطير لتجمع دول بريكس بدا من امبارح فى جنوب افريقيا والمؤتمر بيناقش موضوعات كتير مهمة لكن أهمها على الاطلاق استحداث عملة عالمية بديلة للدولار .. والرئيس الروسي استغل الاجتماع ده وحاول من خلاله يكشف

بوتين قال خلال فعاليات اليوم التاني لقمة بريكس، إن موسكو بتدعم فكرة عالم متعدد الأقطاب واكد أن مجموعة بريكس هتعزز ثقلها العالمي ومفيش تراجع عن الكلام ده وأن روسياهتسعى لتوسيع المجموعة خلال رئاستها المقبلة للمنظمة.

ووجه بوتين رسالة تهديد للامريكان وقال ان موسكو بتكافح الدول اللي بتعتبر نفسها ذات مكانة استثنائية وان دول بريكس هتعمل على الانتقال للعملات الوطنية وبتسعى لاستبعاد الدولار من التجارة البينية لدول بريكس".

الرئيس الروسي اكد كمان ان مجموعة بريكس هتطلق مفوضية خاصة للنقل بين اعضاء التجمع.. وان روسيا بتسعى لتحقيق العدالة الدولية خلال رئاستها المقبلة لبريكس.. وان العملية العسكرية في أوكرانيا مبررة وهدفها التصدي للعدوان ضد روسيا ومساعي الغرب للهيمنة هي السبب وراء الحرب في أوكرانيا.

وبدأت امبارح فعاليات الاجتماع الدولي للقمة 15 "بريكس 2023"، في مدينة جوهانسبرج في جنوب أفريقيا.

وبيشارك قادة 4 دول في القمة بصورة شخصية وهم الرئيس الصيني شي جين بينج، والرئيس البرازيلي لولا دا سيلفا، ورئيس الوزراء الهندي ناريندرا مودي، ورئيس جنوب أفريقيا سيريل رامافوزا، بينما يشارك الرئيس الروسي فلاديمير بوتين، عبر تقنية الفيديو، في حين بيرأس الوفد الروسي المشارك في القمة وزير الخارجية سيرجي لافروف.

وكانت أكتر من 40 دولة أعربت عن رغبتها في الانضمام إلى بريكس، منها 23 دولة طلبت ده بشكل رسمي من بينهم العديد من البلدان الأفريقية والعربية، زي الجزائر والمغرب وإثيوبيا ومصر والسنغال ونيجيريا بالاضافة لدول تانية زي الأرجنتين وتركيا والمملكة العربية السعودية والإمارات العربية المتحدة وإيران وإندونيسيا.

وبتعتبر "مجموعة البريكس" واحدة من أهم التجمعات الاقتصادية على مستوى العالم، وبتتنافس الدول للانضمام ليها لزيادة معدلات التبادل التجاري والاستثمارات المشتركة.

وأصبحت مجموعة بريكس أحد أهم التكتلات الاقتصادية في العالم نظرا لأرقام النمو التلي بقتتحققها دول التكتل مع توالي السنوات وده خلاها محط اهتمام عديد من الدول.