إيه حكاية مدينة المليارديرات في مصر

مصر مش فقيرة والبيانات الرسمية بتقول إن فيها اقتصاد قوي بيعدي الـ10 ترليون جنيه وصناعات في كل المجالات واقتصاد واعد مليان فرص واستثمارات وكمان مصر بلد المليونيرات والمليارديرات والثروات الضخمة واللي بالجنيه والدولار.

لكن إيه حكاية مدينة المليارديرات المصرية .. شوف ياسيدي في الساعات الأخيرة صدرت قائمة لأغنى 50 مدينة في العالم وكانت المفاجأة إن فيه 3 مدن عربية جت في القائمة وجت القاهرة في المركز الخامس عربيا بعد الرياض السعودية وحسب الإحصائيات القاهرة فيها  أكتر من 7400 مليونير، و5 مليارديرات، و27 شخص ثروتهم بتتجاوز حاجز الـ 100 مليون دولار.

ولو هنيجي نشوف مين مليارديرات مصر فهنلاقي  رجل الأعمال المصري، ناصف ساويرس احتفظ بصدارة ترتيب أغنى شخص في مصر، بعد مرور أكتر من 4 أشهر من عام 2023، بثروة تقدر بـ 7.0 مليار دولار، وفقاً لـ فوربس، وهو نفس ترتيبه في نهاية عام 2022.

وظلت قائمة الأثرياء في مصر ثابتة من نهاية السنة اللي فاتت، واحتل محمد منصور، المركز التاني بثروة صافية 3.6 مليار دولار، وحل نجيب ساويرس في المركز التالت مع ثروة تقدر بـ 3.3 مليار دولار.

وترتيب فوربس بيحتلف عن قائمة "بلومبرج للمليارديرات"، والي وضعت نجيب ساويرس في المركز التاني، والوحيد رفقة شقيقه الأصغر ضمن قائمة أغنى 500 شخص في العالم، مع ثروة تقدر بنحو 5.9 مليار دولار.

ووفقاً لقائمة فوربس محمد الفايد، بيحتل المرتبة 1520 عالمياً، والرابع بين مليارديرات مصر مع ثروة تقدر بملياري دولار.

يوسف منصور هو خامس أغنى شخص في مصر، بثروة تصل إلى 1.5 مليار دولار بينما جاء شقيقه ياسين منصور بثروة شخصية 1.3 مليار دولار، واحتل المركز السادس بين أغنى أغنياء مصر، والأخير في قائمة المليارديرات.