معاك 15 يوم.. هاتعمل فيهم حسابات توفير وبطاقات دفع مجانا
الخميس 03/أغسطس/2023 - 01:21 ص
لمدة 15 يوم.. البنوك في مصر بتسمح للمواطنين إنهم يعملوا حسابات توفير وبطاقات ائتمان أو خصم مباشر بالمجان.. يعني مافيش أي مصاريف إدارية حضرتك هاتدفعها.
والقرار دا تم بداية من امبارح.. وهو بمناسبة اليوم العالمي للشباب، واللي هايتم خلاله فتح حسابات التوفير والحسابات الجارية وحسابات الشباب دون مصاريف ودون حد أدنى لفتح الحسابات.
وكمان البنوك بتيح إصدار بطاقات الخصم المباشر وبطاقة ميزة للخصم الفورى مجانا، ودا علشان العملاء يقدروا يعملوا عمليات سحب وايداع عبر ماكينات الصراف الآلي ATM.
وبالمناسبة.. فتح الحسابات وإصدار البطاقات هيكون باستخدام صورة البطاقة السارية فقط، والبنك هايتحمل مصروفات الدمغة اللازمة لفتح الحسابات.
