العلمين الجديدة السيسي حول الرمال لدهب

من ارض موت والغام ومتحرك المشي فيها لجنة على الأرض العالم كله بيحلم يزورها.. من صحرا لمباني حديثة وفنادق وشواطيء فيروز.. ازاي دبت الحياة في الرمل وبقت مزار ومدينة مش بتنام من جمالها .
اللي حصل في العلمين الجديدة مش معجزة ولا سحر لكن نتيجة لفكر وتخطيط وابتكار والخروج بره الصندوق والزحمة والدخان لبراح الهوا والبحر والفرص والاستثمارات والمليارات وفرص العمل.. آلاف الشباب الجدعان اشتغلت وعملت مدينة من المستقبل وآلاف تانية اشتغلت فيها ولسه آلاف هينضموا للعمل في المدينة لما تكمل مرافقها وفنادقها وشواطئها ومشروعتها وتوسعاتها.
العلمين زيها زي عشرات المدن الجديدة اللي زرعتها مصر في الصحرا زي العاصمة الإدارية والسخنة والجلالة والمنصورة الجديدة والعبور والإسماعيلية وقنا الجديدة وغيرها من المشروعات اللي غيرت شكل مصر وجددت شباب مبانيها وفتحت ملايين الفرص قدام ولادها.
اكتر من 300 مليار جنيه تكلفة بناء العلمين الجديدة تقريبا شاملة البينة الأساسية والمشروعات والتعاقدات عشان تخلق كيان جديد وروح جديدة النهاردة المدينة الشابة متوقع يزورها 2 مليون زائر وسائح من كل بلاد العالم في مهرجانها الاول وفرحتها البكر باول كرنفال بقي حديث العالم قبل ما يبتدي ولأول مرة يحصل أن مشاهير العالم يروحوا لمدينة بشكل شخصي زي ما حصل في العلمين الجديدة ارض الفرص والجمال وعاصمة مصر الساحرة.
المدينة مثال حي على قدرة الرىيس السيسي على قراءة المستقبل وتحويل التراب لرمل وكمان فتحت الطريق لتعمير كل الساحل الشمالي بطول البحر المتوسط.