جريمة تويوتا في مصر.. حقيقة إلزام العملاء بالشراء بالدولار
من كام ساعة انتشرت اخبار عن طلب شركة تويوتا من عملائها الراغبين في حجز السيارات الجديدة بإيداع مبلغ السيارة بالدولار في حسابها بالبنوك.. ياترى ايه حقيقة الخبر وهل من حق شركات السيارات البيع بالدولار الامريكي في مصر وايه رد الشركة
كلنا عارفين إن تجارة السيارات في مصر بتمر بازمة كبيرة وارتفاع غير مسبوق في الأسعار، بسبب أزمة نقص الدولار في الأسواق وتبني الدولة سياسات ترشيد الإنفاق بالعملة الأمريكية لغاية الأزمة ما تعدي لكن البعض روج باتجاه شركات السيارات لإلزام عملاءها بالشراء بالدولار لو عايزين يركبوا غربيات جديده ودا لو حصل طبعا هيخلق حالة من الانفلات في الأسعار بشكل أكبر، نتيجة لاستنفاذ الدولار من جانب العملاء لشراء السيارات.
وخلونا نأكد إن شراء السيارات من التوكيلات مقابل الدولار، بيعتبر خروج على قرارات الدولة المصرية والقانون المصري، واللي بيعاقب على بيع أي سلع أو منتجات داخل مصر بالعملات الأجنبية، بجانب تسببها في ارتباك السوق بشكل أوسع وعواقب وخيمة للغاية على سوق السيارات واللي بيعاني أصلا من مشاكل كبيرة بسبب الأسعار.
وفي اول رد فعل من توكيل تويوتا في مصر نفي مصدر داخل الشركة موضوع البيع بالدولار وأكد أن الخطوة غير قانونية والشركة لايمكن أنها تاخد قرار مخالف للقانون وإلا هتتعرض لعقوبات تصل لغاية اغلاق نشاطها في مصر وقال المصدر إن الهدف من الأخبار دي تشويه الشركة والأضرار بسمعتها في السوق المصري وإنها ملتزمة بالبيع بالعملة المحلية وأنها مطلبتش من العملاء الشراء بالدولار.
حتى لو الشركة معلقتش على الأنباء المنتشرة في السوق فهي فعلا مش هقدر تبيع بالدولار لأن دا مخالف لقواعد السوق المصري واللي حدد اماكن بعينها للبيع بالدولار في مصر زي الأسواق والمناطق الحرة، وعشان كده ياريت مانصدقش أي حاجة تتقال ونرجع للقوانين والمصادر الرسمية لأن هدف النوع دا من الاخبار خلق الفوضى والبلبلة وإثارة الأوضاع داخل أسواق الدولار واللي مطلع الاشاعات دي كلنا عارفيهم وخاصة السوق السوداء للدولار اللي بدور على مشترين للدولار الحرام واللي بيعاني من الركود في الطلب عليه.
