في 120 دقيقة.. تطبيق threads يتفوق على إنستجرام وفيس بوك وchatGPT

كل منصة حديثة الإنشاء بتاخد وقت علشان يكون عندها متابعين كتير.. ودا ينطبق على الفيس بوك وإنستجرام وتويتر.. واللي حققو رقم المليون في أسابيع وفي منهم شهور.. إلا تطبيق  Threads واللي حقق رقم المليون في 120 دقيق بس.. ودا وفقًا لموقع الإحصاء الشهير STATISTA.

ولو خدنا فيد باك سريع هاتلاقي أن تطبيق زي chatGpt حقق رقم المليون في 5 أيام بينما تطبيق إنستجرام في 45 يون بينما تطبيق dROPbIX في 7 شهور.. والأخير كان تطبيق فيس بوك في 10 شهور.

وتطبيق Threads اللي أسسه هو مارك زوكربيرج.. وبيعتبر المنافس الأول لمنصة تويتر اللي بيملكها الملياردير إيلون ماسك.. والتطبيق دا بدايته تتفوق على كل التطبيقات اللي طلعت آخر 10 سنين.

والتطبيق مرتبط بإنستجرام ودي منصة الصور الشهيرة.. لكنه بيركز على الوسائط الاجتماعية القائمة على النص.

ومن ممزات تطبيق Threads أن بيتم من خلاله إجراء محادثات عامة وأي شخص يقدر يكتب منشورات نصية أو حتى مشاركة الصور ومقاطع الفيديو، وكمان بيتيح خصائص الإعجاب والتعليق وإعادة النشر والمشاركة.