سحب وايداع من غير حساب.. أسرار هتكتشفها لأول مرة عن ماكينات الصراف الآليATM
رغم ان كتير مننا يمكن بيتعاملوا بشكل شبه يومي مع ماكينات الصراف الآلى او الـ إي ت ام لكن فيها أسرار وخدمات كتير ممكن تخلص من ماكينة الصراف الآلى بس ناس كتير متعرفش عنها حاجة ولا عمرها جربتها.. وفى الفيديو ده هنقولك شوية اسرار يمكن تكون بتسمعها لأول مرة عن ماكينة الـ إي ت ام
ماكينات الصراف الآليATM
تعرف انك ممكن من ماكينات الصراف الآلى تقدر تحول عملات وتاخد دولار بسعر البنك من بعض الماكينات المنتشرة فى شوارع مصر وكمان ممكن تسدد القرض بتاعك وتحط القسط وتقد كمان تسدد الفواتير والمصروفات الدراسية وتشحن رصيد التليفون.
دي نوعية من الخدمات اللى ناس كتير متعرفش انها متاحة على ماكيمات الصراف الآلى للبنوك المصرية واللي معرفتها ممكن تسهل حياتك وتعفيك من زحمة البنوك.
خدمات متنوعه
ومن الخدمات المهمة اللى تقدر تعملها منخ خلال ماكينة الـ إي ت ام -مراقبة أرصدة الحسابات يعنى معاك كام واخر مبالغ صرفتها واخر فلوس دخلت على حسابك وكمان تقدر تعمل ايداع نقدي على حسابك وتحط المبلغ اللى انت عاوزه من غير ما تحتاج انك تروح فرع مكن فروع البنك.
ومن خلال ماكينات الصراف الآلى للبنوك تقدر كمان تتبرع للجمعيات الخيرية أو أي مؤسسة انت حابب تديها دعم زي مستشفى 57357 ومستشفى الدكتور مجدي يعقوب للقلب وجمعية مصطفى محمود وغيرهم.
كشف حساب
وتقدر برضوا تطبع كشف حساب مختصر تعرف من خلاله كل حاجة عن حسابك فى البنك ولو فيه أى تعامل مش صحيح تقدر تتواصل مع البنك، وفيه خدمة مهمة جدا لكنها موجودة على نطاق عدد قليل من ماكينات الصرف وهي ايداع الشيكات
ومن خلال ماكينة الصراف الآلى تقدر كمان تسحب أو تودع على محفظتك الاليكترونية التابعة لأى شركة اتصالات يعنى كمان لو معندكش حساب فى البنك تقدر تستفيد من خدمة المحافظ الاليكترونية بتاعتك والميزة انك مش بتدفع رسوم على عملياتك دي فى اطار دعم الشمول المالى اللى بيشرف عليه البنك المركزي
