شركات المحمول هاتلغي الكروت الفكة علشان بتخسر.. يا ترى دا حقيقي
الثلاثاء 30/مايو/2023 - 12:30 ص
انتشر من ساعات خبر بشأن إلغاء شركات المحمول أنظمة كروت الفكة.. ودا علشان شركات المحمول بتخسر
والكلام دا ماطلعش صحيح وشركات المحمول نفت الخبر وقالت أنظمة كروت الفكة هاتفضل شغالة زي ما هي.
لكن ممكن يحصل إلغاء لبعض الكروت.. زي ما حصل لكارت اتصالات الفكة اللي كان ب ٩ ويتباع ب عشرة جنيه.
هو كان في فعلا كلام من شركات المحمول بشأن إلغاء كروت الفكة ودا بعد زيادة سعر صرف الدولار أمام الجنيه واعتبار أن دا تسبب بخسارة بعض الشركات.
وفعلاً المهندس حسام الجمل، رئيس الجهاز القومي لتنظيم الاتصالات، أكد أن شركات المحمول العاملة في مصر، تتقدم بطلبات منذ 2016 لزيادة أسعار خدماتها، ورفع أسعار خدمات المكالمات والإنترنت، مؤكدًا أنه تتم دراسة الأمر باستمرار ودراسة عدة جوانب.
لكن حتى الآن مافيش إلغاء لنظام كروت الفكة والخبر اللي بيتم تداوله مش صحيح.
