الجمعة 29 مارس 2024
رئيس التحرير
عمرو عامر
المشرف العام
عبدالعظيم حشيش
اقتصاد مصر

مصر بقت بتصدر لأمريكا بمليارات.. يا ترى اية اللي حصل

الإثنين 22/مايو/2023 - 12:55 ص
الدولار
الدولار

أغلبنا بيسمع أخبار من نوعية مصر تستورد من أمريكا حبوب ومواد غذائية وأدوات وسلاح وغيره.

النهاردة هانقولكم على إحصائية مهمة جداً وهي زيادة قيمة صادرات مصر من الملابس الجاهزة إلى أمريكا بمقدار 105%.

ودا اللي أكد عليه الجهاز المركزي للتعبئة العامة والإحصاء، النهاردة الأحد، ووضح كمان أن قيمة الصادرات المصريــة إلى الولايات المـتحـدة بلغت  2.3 مليار دولار عام 2022 واللي بتمثل 4.5% من صادرات مصـر للعالـم.

طيب اية اللي بتصدره مصر لأمريكا

في المركز الأول.. مصر بتصدر لأمريكا ملابس جاهزة ودا  بنسبـة 57.9 % مـن إجمالــى الصادرات للولايات المتحدة الأمريكية واللي  بلغت 1.3 مليار دولار عــام 2022 مقابــل 1.2 مليار دولار عام 2021  وذلك بنسبة زيادة 10.5 ٪

بينما قيمة الواردات المصرية من الولايات المتحدة الأمريكية بلغت 6.8 مليار دولار عام 2022 وتمثل 7.2 % مــن واردات مصـر من العالم.

وأغلب الواردات دي بتكون من حبــوب وأثـمار زيتيــة ونباتات طبية فى المرتبة الأولى بنسبة 33.6 % من إجمالــى الواردات من الولايات المتحدة الأمريكية حيث وصلت 2.3 مليــار دولار عام 2022 مقابـــل 1.7 مليار دولار عام 2021.