الجمعة 29 مارس 2024
رئيس التحرير
عمرو عامر
المشرف العام
عبدالعظيم حشيش
اقتصاد مصر

الكرتونة صلت لـ 115 جنيه.. اية سبب ارتفاع «البيض»

الجمعة 10/فبراير/2023 - 12:19 ص
اسعار البيض
اسعار البيض

ارتفاعات سريعة جدًا بتشهدها أسعار «بيض» الطعام في مصر في الوقت الحالي.. واللي وصلت لـ 115 جنيه للكرتونة الواحدة.. يا ترى اية السبب في الزيادة دي؟؟ ومصر بتنتج قد اية كل سنة؟  .. يلا بينا نعرف الحكاية


تعالوا الأول نقولكم.. أسعار البيض في مصر.. واللي وصلت فيه سعر كرتونة البيض الأبيض لـ 98.75 جنيه.. بينما وصلت سعر الكرتونة البيض الأحمر لـ 98.75 جنيه.. وكمان بلغ سعر كرتونة البيض البلدي لــ 115.75 جنيه.

خد المفاجأة دي.. وهو أن مصر بتنتج نحو 1.6 مليار طائر سنويا، ودا بيحقق اكتفاء ذاتي بنسبة 95%.. يعني رقم كبير أهو.. امال اية سبب الغلاء دا

السبب يا فندم.. في أن أسعار الأعلاف تضاعفت من أول ما بدأت  الأزمة الروسية الأوكرانية.. ودا نتيجة القيود اللي اتفرضت على الاستيراد وكمان وجود سوق سوداء.. ودا كله ساهم في إنه يرفع من قيمة العلف. وبالتالي تكلفة الإنتاج أصبحت مرتفعة وفي المقابل المنتجين حققوا خسائر مهولة خلال الفترة الأخيرة، ودا لأن الأسعار مابتغطيش التكلفة.

يعني إحنا هنا بنواجه مشكلة في إن الإنتاج بقى مكلف جدًا على المنتجين وفي نفس الوقت المعروض قليل في السوق وبالتالي الأسعار عمالة بتزيد