متي تتوفر خدمة الإنترنت الفضائي Starlink في مصر ؟
أعلنت شركة ستارلينك Starlink إن خدمة الإنترنت الفضائي ستكون متاحة في مصر والشرق الأوسط العام المقبل 2023 بعد الحصول على التراخيص اللازمة من الجهات المنظمة.
وقد انتشر خلال الساعات الأخيرة إن مصر ستكون فيها خدمة الإنترنت الفضائي للشركة العالمية المعروف ستارلينك Starlink وهي التي يملكها رجل الأعمال إيلون ماسك، وهي خدمة توفير الإنترنت خلال الأقمار الصناعية.
سعر العملية بيصل لـ 1550 شهريًا بما يصل الـ 100 دولار وبالتأكيد الإنترنت الفضائي دا أفضل من الإنترنت الأرضي في مصر لأننا بنعاني كلنا من البطء الشديد في الإنترنت.
أسعار الإنترت الأرضي في مصر كام؟
أقل من 10 دولا ر في الشهر لكن خدمة الإنترنت سيئة وبتقطع كتير. دا أكيد رقم قليل مقارنة بأسعار اشتراكات ستارلينك.
مميزات الإنترنت الفضائي؟
فارق السرعة الرهيبة عن النت الأرضي.
السرعات تبدأ من 100 ميجا في الثانية الواحدة.
سيكون في سرعات أكبر من خلال ترددات مختلفة.
جودة الخدمة والتوسع في السعة التحميلية.
من مميزات الإنترنت الفضائي إنه بيسهل الوصول للأماكن اللي مفيهاش بنية تحتية لوصول الإنترنت.
الانطلاقة من مصر
خدمة Starlink الإنترنت الفضائي هتكون متاحة في مصر سنة 2023 لكن مصر حالة خاصة لأن عندها قمر صناعي اسمه "طيبة 1"، وهو سيكون في منافسة مع خدمة الإنترنت الفضائي اللي بتقدمها ستار لينك.
لو ماتعرفش خلينا نقولك إن طيبة
1 حاليًا بيدي إنترنت للقطاعات الحكومية، ومن المفترض أنه هيقدم الخدمة للأفراد في الصيف الجاي، خاصة وأن تقديم الخدمة للأفراد أولا ستتيح للقمر الصناعي المصري الاستحواذ على عدد أكبر من المستخدمين.
معلومات عن خدمة ستارلينك الإنترنت الفضائي
ستارلينك starlink بتشغل أكتر من 2000 قمر اصطناعي هدفها توفير الإنترنت في العالم.
بتهتم الخدمة دي إنها تغطي المناطق الفقيرة.
مشروع ستارلينك Starlinkقايم على فكرة بناء شبكة إنترنت مترابطة مع آلاف الأقمار الصناعية، والمعروفة في عالم الفضاء باسم كوكبة، مصممة لتقديم إنترنت عالي السرعة للمستهلكين في أي مكان على الأرض.
بداية إطلاق خدمة ستارلينك Starlink
شركة "سبيس إكس" اللي بيملكها إيلون ماسك أطلقت الخدمة لأول مرة ببرنامج تجريبي لمستهلكين محددين مقابل 99 دولار في الشهر، وهى الخدمة التي أتاحها ماسك في أوكرانيا بعد أن أرسل معدات لتوفير الإنترنت الفضائي.
مشروع Starlink ستارلينك بيستفيد منه أكتر من 100 ألف في العالم ومتاح في كتير من الدول زي: شمال أمريكا وجنوب كندا وبريطانيا، وأستراليا ونيوزيلندا والمكسيك، وفي دول تانية بتسعى للحصول عليه زي إسبانيا وإيطاليا والهند واليابان وغيرها.
