الشقق في مصر وصلت لأرقام خيالية.. المتر عدى 100 ألف جنيه والإيجارات مولعة
الإثنين 16/نوفمبر/2026 - 05:30 ص
بتفكر تشتري شقة أو تدور على إيجار في القاهرة أو الجيزة؟ خليك عارف أن أسعار العقارات في مصر وصلت لأرقام كبيرة، وفي مناطق سعر متر الشقة فيها عدى 100 ألف جنيه.
بحسب مؤشرات السوق العقاري، متوسط سعر متر الشقق في المشروعات السكنية وصل لحوالي 65 ألف و695 جنيه، لكن في الجونة سجل قرابة 196 ألف جنيه، وفي رأس الحكمة أكتر من 150 ألف جنيه.
لمشاهدة الفيديو من هنا
أما بالنسبة للإيجارات، فوسيط الإيجار الشهري للشقق الجديدة غير المفروشة وصل لـ10 آلاف جنيه في القاهرة، و8 آلاف جنيه في الجيزة.
وفي الزمالك الإيجار بيوصل لـ75 ألف جنيه شهريًا، بينما سجل في الدقي 35 ألف جنيه، وفي المهندسين والعجوزة 30 ألف جنيه.
أما الإيجار القديم، فدخلت زيادة الـ15% السنوية حيز التطبيق من سبتمبر 2026.
