عندك بطاقة تموين؟ لازم تعرف طريقة تحديث البيانات

لو عندك بطاقة تموين ومحتاج تحدّث بياناتك، أو خايف بطاقتك تتوقف بسبب نقص البيانات، خليك معانا وهنقولك تعمل إيه خطوة بخطوة.

لمشاهدة الفيديو من هنا 

وزارة التموين أتاحت تحديث واستيفاء بيانات بطاقات التموين من خلال 500 مكتب بريد على مستوى الجمهورية، وكمان تقدر تنفذ الخدمة إلكترونيًا من خلال منصة مصر الرقمية، حسب الخدمات المتاحة لحالتك.

كل اللي عليك تدخل على منصة مصر الرقمية، وتسجل حساب، وبعدها تختار خدمات التموين، وتضغط على استمارة تحديث بيانات المواطن.

بعد كده تراجع الشروط، وتدخل البيانات المطلوبة وتتأكد أنها مطابقة للأوراق الرسمية.

طيب إيه الأوراق المطلوبة؟.. هتحتاج بطاقات الرقم القومي للأب والأم، وإيصال كهرباء حديث، ووثيقة الزواج، وشهادات ميلاد أو بطاقات الأبناء، وممكن يُطلب مؤهلات دراسية وبيانات المركبات، وكارت الخدمات المتكاملة في حالة إضافة فرد من ذوي الإعاقة.