5 مليارات دولار و55 مصنعًا.. الهند توسع استثماراتها الصناعية في مصر
5 مليارات دولار.. و55 مصنع هندي شغالين في مصر.. والمرحلة الجاية ممكن تشهد دخول استثمارات هندية جديدة بأعداد أكبر.
السفير الهندي في القاهرة كشف عن ترتيب زيارة وفد استثماري ضخم لمصر، بيضم أكتر من 150 شركة هندية كبرى، بهدف استكشاف الفرص المتاحة في السوق المصرية وفتح مجالات جديدة للتصنيع والاستثمار.
لمشاهدة الفيديو من هنا
لكن الأرقام الحالية كمان لافتة.. الاستثمارات الهندية في مصر وصلت لحوالي 5 مليارات دولار، موزعة على نحو 55 مصنعًا، وبتوفر أكتر من 35 ألف فرصة عمل للمصريين.
والتحرك الجديد مش مقتصر على المصانع والصناعات التقليدية، لكنه بيمتد كمان للتكنولوجيا المالية والمدفوعات الرقمية والشركات الناشئة، مع بحث مشاركة شركات هندية متخصصة في المجالات دي ضمن الوفد المرتقب.
وفي خطوة تانية، الجانبين بيتجهوا لإطلاق منتدى مشترك للشركات الناشئة المصرية والهندية، بهدف ربط المستثمرين برواد الأعمال وتبادل الخبرات وفتح فرص تمويل وتوسع جديدة.
والهند اللي عندها أكتر من 240 ألف شركة ناشئة، شايفة في السوق المصرية نقطة انطلاق مهمة للتوسع في أسواق أفريقيا وأوروبا.
يعني الشراكة مش مجرد استثمارات قائمة بـ5 مليارات دولار، لكن فيه تحرك لفتح مسارات جديدة للتصنيع والتكنولوجيا والتصدير بين البلدين.
