عايز تستخرج بطاقة التأمين الصحي لأول مرة؟ اعرف الأوراق والخطوات
لو أنت موظف وعايز تستخرج بطاقة التأمين الصحي لأول مرة، فيه شوية أوراق وخطوات لازم تجهزها علشان تقدر تستفيد من الخدمات الطبية.
أول حاجة، لازم يكون عندك اشتراك تأميني قائم، وبياناتك الوظيفية معتمدة من جهة العمل.
لمشاهدة الفيديو من هنا
الأوراق المطلوبة بتشمل استمارة حصر المنتفعين رقم واحد، وتكون مستوفية البيانات ومختومة من جهة العمل، وصورة بطاقة الرقم القومي السارية مع الأصل للاطلاع، وبرنت تأميني حديث، وصورتين شخصيتين.
كمان هتحتاج صورة شهادة الكشف الطبي الابتدائي عند التعيين، وفقًا لنموذج 111، ومستندات التعيين أو استمرار العمل لو جهة الإصدار طلبتها.
أما خطوات الاستخراج، فبتبدأ من إدارة الموارد البشرية للحصول على الاستمارة واعتمادها، وبعدها تجهز الملف كامل، وتتوجه لمركز إصدار البطاقات التابع ليك.
هناك هيتم مراجعة الأوراق واستكمال أي بيانات ناقصة، وبعد الانتهاء من الإجراءات تستلم البطاقة العلاجية، اللي بتثبت حقك في الانتفاع بخدمات التأمين الصحي.
