مصر توقف استيراد الفراخ؟.. هل الإنتاج المحلي كفاية؟

ياترى مصر محتاجة تستورد فراخ من الخارج، ولا الإنتاج المحلي بقى كفاية؟ اتحاد منتجي الدواجن بيطالب بوقف الاستيراد، بعد ما مصر حققت الاكتفاء الذاتي وبقى عندها إنتاج يكفي السوق، بل وبتتجه للتصدير.

وفي المقابل، الاستيراد ممكن يكون وسيلة لتدخل الدولة لو حصل نقص في المعروض أو ارتفاع مبالغ فيه للأسعار.

لكن المسؤولين أكدوا إن السوق حاليًا مش محتاج دواجن مستوردة، والأولوية لدعم المنتج المحلي وحماية المربين من الخسائر.