الراوتر القديم مش خردة.. 5 حيل هتخليه جهاز مهم في بيتك
الأحد 25/أكتوبر/2026 - 02:30 ص
لو عندك راوتر قديم في البيت وشايف أنه مالوش لازمة.. تعالى اقولك على 5 استخدامات ليه هتبهرك حرفيا.
وأول حاجة انك تقدر تحوله لمقوي لإشارة أو بمعنى اصح تخليه مقوي للشبكة ويوصل النت للغرف البعيدة اللي النت فيها ضعيف.
كمان تقدر تشغله كوصلة تربط بيها الشاشات وأجهزة الكمبيوتر من غير زحمة السلك.
وثالث حاجة لو فيه مكان يو إس بي تقدر تحط عليه فلاشة وتشوف ملفاتك وصورك على أي جهاز في البيت.. ده غير انك تقدر تشغل بيه طابعة قديمة وتخليها تطبع لاسلكي.
رابع وخامس حاجة لو بتحب التفاصيل التقنية يقدر يفيدك في تأمين شبكتك وفصل بعض الأجهزة على خط خاص بيها من غير تعقيدات.
