مصر تمد ليبيا بالكهرباء.. 3 محطات باستثمارات 100 مليون يورو
مصر بتوسع حضورها في قطاع الكهرباء بليبيا.. والمرة دي من خلال 3 محطات جديدة لتوليد الكهرباء.
شركة "مدكور" المصرية تعاقدت مع الشركة العامة للكهرباء في ليبيا لتنفيذ المحطات الثلاث، باستثمارات تقترب من 100 مليون يورو.
لكن الرقم الأهم هو حجم الطاقة اللي هتضيفها المشروعات دي..
كل محطة هتنتج حوالي 220 ميجاوات، يعني إجمالي القدرات الجديدة هيوصل لـ660 ميجاوات.
والتنفيذ مقرر يستغرق حوالي 18 شهر من تاريخ توقيع التعاقد، مع مشاركة بنك ABC البحريني في تمويل جزء من تكلفة المشروعات.
الخطوة دي بتيجي في وقت ليبيا محتاجة فيه قدرات توليد جديدة لدعم استقرار شبكة الكهرباء ومواجهة الطلب المتزايد على الطاقة.
وفي نفس الوقت، التعاون بين مصر وليبيا في الكهرباء بيتوسع بشكل أكبر.. فيه تحركات لرفع قدرة الربط الكهربائي بين البلدين من 150 ميجاوات حاليًا إلى حوالي 2000 ميجاوات، من خلال إنشاء خط جديد بجهد 500 كيلوفولت واستثمارات تقدر بنحو 10 مليارات جنيه.
يعني التعاون المصري الليبي في قطاع الكهرباء مش واقف عند إمداد ليبيا بالطاقة.. لكنه بيتجه لإنشاء محطات جديدة وزيادة قدرات التوليد والربط الكهربائي بين البلدين
