من يناير 2027.. هل ينخفض دعم بطاقات التموين للمواطنين؟ وماذا ينتظر أصحاب البطاقات؟
لو عندك بطاقة تموين.. من يناير 2027 فيه تغيير كبير داخل على طريقة صرف الدعم.
الحكومة بتتجه لتطبيق منظومة "الدعم النقدي السلعي المشروط"، يعني بدل ما الدعم يكون مرتبط بأصناف محددة زي السكر والزيت والمكرونة، هيبقى فيه قيمة مخصصة على بطاقة التموين، والمواطن يقدر يستخدمها في شراء احتياجاته من المنافذ المعتمدة.
لكن السؤال اللي شاغل أصحاب البطاقات: هل قيمة الدعم نفسها هتقل؟
لحد دلوقتي.. مفيش قيمة نهائية معلنة رسميًا من الحكومة، لكن فيه أرقام متداولة بتتكلم عن حوالي 325 جنيهًا للفرد، تشمل دعم الخبز والتموين، وده ممكن يوصل لحوالي 1300 جنيه لبطاقة فيها 4 أفراد.
والفكرة الأساسية إن التغيير مش المفروض يكون في قيمة الدعم، لكن في طريقة الاستفادة منه.. بحيث المواطن يبقى عنده حرية أكبر في اختيار احتياجات أسرته.
يعني أصحاب بطاقات التموين داخلين على نظام جديد تمامًا، لكن الرقم النهائي للدعم لسه مستني الإعلان الرسمي.
