فاتورة المياه أو الغاز مش منطقية؟ اعمل الـ7 خطوات دي قبل الدفع
الجمعة 14/أغسطس/2026 - 04:56 م
فاتورة المياه أو الغاز جتلك أعلى من المعتاد؟ متدفعش علطول قبل السداد، راجع الـ7 خطوات دول عشان تتأكد إن القراءة اتحسبت صح:
أولًا: راجع القراءة الموجودة على الفاتورة.
ثانيًا: انزل بص على العداد وشوف القراءة الفعلية.
ثالثًا: صوّر العداد بصورة واضحة تظهر الأرقام كاملة.
رابعًا: قارن القراءة الحالية بالقراءات القديمة.
خامسًا: لو عداد مياه، سجل القراءة الفعلية من تطبيق "قراءتي".
سادسًا: لو فيه مشكلة في فاتورة المياه، تقدر تقدم شكوى من خلال تطبيق "125".
وسابعًا: لو الغاز، تقدر تستخدم تطبيق "بتروميتر" لتسجيل القراءة ومراجعة البيانات.
والأهم.. احتفظ بصورة العداد، لأنها بتثبت القراءة الفعلية وقت تسجيلها. يعني متدفعش وأنت مش متأكد.. راجع قراءة العداد الأول.
