حمص حلاوة المولد بيتنقع في الجير؟.. تحذير مهم للمستهلكين
الجمعة 14/أغسطس/2026 - 06:02 م
بتحب حمص حلاوة المولد؟ خد بالك من طريقة تجهيزه قبل ما تشتريه.. فيديو قديم رجع ينتشر تاني مع قرب موسم المولد النبوي، وبيوضح إن من طرق تجهيز حمص حلاوة المولد نقعه في محلول مياه وجير لفترة.
والدكتورة شيرين زكي قالت، ان الجير المستخدم هو هيدروكسيد الكالسيوم، وبيتم استخدامه لتطرية الحمص والمساعدة في إزالة القشرة والأوساخ.
لكن التحذير هنا من بقايا المادة لو عملية الغسيل والتجهيز ما تمتّش بشكل سليم، لأن المادة قلوية وممكن تسبب تهيج للجهاز الهضمي ومشكلات صحية أخرى.
وفي نفس الوقت، مهم نوضح إن مجرد استخدام هيدروكسيد الكالسيوم في إحدى مراحل التصنيع مش معناه إن كل حمص المولد خطر؛ المشكلة في طريقة الاستخدام والتخلص من بقايا المادة، وده أكده تقرير آخر تناول الجدل حول الموضوع.. عشان كده اختار حلاوة المولد من مكان موثوق، ومتشتريش منتجات مجهولة المصدر.
