عايز تضيف مولودك للتموين؟.. خطوات مهمة على منصة مصر الرقمية
الأربعاء 12/أغسطس/2026 - 06:00 ص
عندك مولود ولسه مش مضاف على بطاقة التموين؟ دلوقتي تقدر تقدم طلب إضافة إلكترونيًا من خلال منصة مصر الرقمية، لكن فيه شروط لازم تكون متوافرة قبل ما تبدأ.
أول حاجة تدخل على منصة مصر الرقمية، وتختار "التموين"، وبعدها "خدمات التموين"، وتختار إضافة أفراد أسرتك غير المقيدين.
بعد كده تكتب اسم الأم، وبيانات المولود كاملة، والرقم القومي الموجود في شهادة الميلاد، وتحدد صلة القرابة، وبعدها تختار "ضم الأبناء" وتقدم الطلب.
لكن خد بالك.. الإضافة مش متاحة لكل البطاقات، وفيه ضوابط مرتبطة بعدد أفراد البطاقة والفئات المستحقة للدعم.
ومن الشروط المذكورة حاليًا ألا يقل عمر الطفل عن 4 سنوات، وألا يتجاوز عدد أفراد البطاقة 4 أفراد وفق الضوابط المحددة. قبل ما تقدم.. راجع بياناتك والمستندات المطلوبة عشان طلبك مايتعطلش.
