فاتورة الأرضي نزلت.. اعرف هتدفع كام في دقيقة

الناس كلها بدأت تدور على فاتورة التليفون الأرضي، خصوصًا مع اقتراب موعد السداد، علشان تتجنب الغرامات أو وقف الخدمة. 

الاستعلام بقى سهل جدًا من خلال موقع المصرية للاتصالات، كل اللي عليك تدخل بيانات الخط وتعمل حساب، وبعدها هتظهر قيمة الفاتورة فورًا.

ولو عايز تدفع من غير ما تنزل، تقدر تستخدم تطبيق إنستا باي، وتختار دفع الفواتير، وبعدها فواتير التليفون والإنترنت، وتدخل رقم الخط، وهتظهر القيمة وتدفع في ثواني، وكمان تقدر تسدد من تطبيق ماي وي أو فروع وي أو السنترالات أو مكاتب البريد.

الشركة بتبدأ تحصيل الفاتورة من يوم 21 لحد 27 من الشهر، وآخر يوم في فترة السماح يوم 28. 

وبعدها الخط بيستمر شغال استقبال وإرسال لفترة محددة، وبعدها يتحول لاستقبال فقط لو الفاتورة متدفعتش، علشان كده، الأفضل تستعلم وتسدد بدري وتريح نفسك من أي مشاكل أو انقطاع للخدمة.