أسعار قطارات VIP والتالجو بعد الزيادة الجديدة وصلت كام؟

هيئة سكك حديد مصر أعلنت تحديث أسعار تذاكر قطارات الـVIP والتالجو على خطوط الوجهين البحري والقبلي، بعد زيادة وصلت لـ 12.5% في القطارات الطويلة، و25% في القصيرة.

على خط القاهرة – أسوان، سعر تذكرة التالجو في الدرجة الأولى وصل لـ 1000 جنيه، والثانية 750 جنيه، بينما قطارات الـVIP بتبدأ من حوالي 280 جنيه وتوصل لـ 430 جنيه حسب الدرجة والقطار.

وفي خطوط تانية زي القاهرة – سوهاج، الأسعار أقل شوية، التالجو في الدرجة الثانية حوالي 400 جنيه، وقطارات VIP بتبدأ من 200 جنيه تقريبًا.

أما خط القاهرة – الإسكندرية، فالتالجو في الدرجة الأولى بـ 400 جنيه، والثانية بـ 275 جنيه، وقطارات الـVIP والخدمة الخاصة بتبدأ من 130 جنيه وتوصل لـ 300 جنيه حسب الخدمة.

وفي المقابل، القطارات العادية لسه هي الأرخص، وبتبدأ من 55 جنيه للتهوية الديناميكية، و70 جنيه للدرجة الثالثة المكيفة.