غير عنوان البطاقة في دقايق.. خطوات سهلة من البيت أو السجل المدني

لو نقلت سكن وعايز تغير عنوانك في بطاقة الرقم القومي، الموضوع بقى أسهل بكتير من زمان.

قدامك طريقتين يا تروح أقرب سجل مدني، أو تعمل كل حاجة أونلاين من البيت.

لو هتروح بنفسك، كل اللي عليك:
تقدم ورقك للموظف، تملى استمارة تعديل البيانات، تدفع الرسوم، وتستنى بطاقتك الجديدة تطلع.

طب إيه الورق المطلوب؟ لازم إيصال مرافق حديث باسمك زي كهرباء أو مياه أو غاز، وكمان عقد شقة سواء إيجار أو تمليك يكون موثق.

طيب لو عايز تعملها أونلاين؟ بتدخل على موقع وزارة الداخلية، تسجل حساب، تختار تعديل بطاقة الرقم القومي، وتحدد تغيير محل الإقامة.

بعدها تكتب عنوانك الجديد بالظبط، وتختار تستلم البطاقة بالبريد أو من السجل المدني، وتدفع الرسوم إلكتروني.. ومن غير زحمة ولا مشاوير كتير، بطاقتك توصلك لحد عندك.