منحة 1500 جنيه وصلت.. اعرف هل أنت مستحق ولا لأ؟

خلاص كلها ساعات ونعيد عيد الفطر وكل سنة وانتم طيبين.. وعشان كده الحكومة بدأت رسميًا صرف منحة العمالة غير المنتظمة.

المنحة قيمتها 1500 جنيه لكل عامل، وتم تخصيص أكتر من 343 مليون جنيه، يستفيد منهم حوالي 229 ألف شخص في كل محافظات مصر.

الصرف بدأ من يوم 17 مارس، وهيستمر لمدة شهر كامل، ومن خلال مكاتب البريد، باستخدام بطاقة الرقم القومي بس.

طيب مين اللي يستحق المنحة دي؟ 
لو أنت شغال شغل غير ثابت
زي عمال اليومية، الحرفيين، الباعة الجائلين، عمال البناء أو الزراعة
ومش مؤمّن عليك يبقى عندك فرصة تكون من المستحقين.

بس في شروط مهمة: لازم تكون مسجل في قاعدة بيانات وزارة القوى العاملة.. وما يكونش عندك سجل تجاري، وسنك يكون من 20 لـ 60 سنة.

ولو مش مسجل تقدر تسجل عن طريق مديريات القوى العاملة أو من خلال الحملات الرسمية.

بس المهم ما تتعاملش مع أي صفحات أو روابط مجهولة، والصرف والتسجيل بيكونوا من خلال الجهات الرسمية بس.. يعني لو شغلك مش ثابت، راجع بياناتك
يمكن 1500 جنيه مستنيينك قبل العيد.