آخر موعد لصرف منحة التموين.. ازاي تصرف الـ400 جنيه وتقسمها على راحتك

لو عندك بطاقة تموين.. الخبر ده يهمك جدًا..الحكومة أعلنت عن منحة تموين إضافية بقيمة 400 جنيه لبعض البطاقات التموينية، وده ضمن الحزمة الاجتماعية لدعم الأسر في الفترة الحالية.

المنحة دي مخصصة لحوالي 10 ملايين بطاقة تموين، يعني تقريبًا 25 مليون مواطن على مستوى الجمهورية.. الميزة في المنحة دي إنك مش لازم تصرفها مرة واحدة تقدر تقسمها على أكتر من مرة خلال الشهر، وحتى 4 مرات لو حبيت.

أما بالنسبة للسلع اللي تقدر تصرفها بالمنحة، فأهمها:
4 كيلو سكر
3 زجاجات زيت
6 أكياس مكرونة
3 كيلو أرز

وكمان تقدر تكمل باقي قيمة المنحة بأي سلع تانية من قائمة السلع التموينية حسب احتياجك.. وزارة التموين كمان مدت ساعات العمل في منافذ الصرف علشان تقلل الزحمة، وبقت المنافذ شغالة من الساعة 9 صباحًا لحد 12 بالليل خلال شهري مارس وأبريل. وبالنسبة للمواعيد، منحة مارس بدأت من فبراير ومستمرة طول شهر مارس، أما منحة أبريل فهتتصرف طوال الشهر.

لكن خلي بالك.. آخر موعد لصرف المنحة هو نهاية أبريل، يعني لو ما صرفتش قبل التاريخ ده ممكن تضيع عليك الفرصة. علشان كده الأفضل إنك تتابع صرف السلع من أقرب بقال تموين أو مجمع استهلاكي، وتقسم المنحة على أكتر من مرة حسب احتياجات بيتك.