آخر فرصة لاستلام شقق "جنة" في القاهرة الجديدة.. اعرف المواعيد والخطوات
لو حاجز شقة في مشروع جنة للإسكان المتميز في القاهرة الجديدة.. الخبر ده مهم جدًا ليك.. جهاز مدينة القاهرة الجديدة أعلن إن تسليم الوحدات بدأ بالفعل، وهيستمر لمدة أسبوعين بس، وآخر موعد رسمي للاستلام هيكون يوم الثلاثاء 17 مارس.
المرحلة الحالية بتشمل تسليم شقق في 6 عمارات للمواطنين اللي خلصوا إجراءات التعاقد مع بنك التعمير والإسكان.
هقولك المواعيد المتبقية للتسليم:
عمارة 226: يوم 9 مارس
عمارة 227: يوم 12 مارس
عمارة 182: يوم 15 مارس
عمارة 183: يوم 17 مارس وده آخر موعد للاستلام.
ولو هتستلم شقتك، لازم تمشي على الخطوات دي:
أول خطوة: تروح بنك التعمير والإسكان فرع التجمع الخامس علشان تخلص كل التسويات المالية.
تاني خطوة: تاخد خطاب من البنك وتتوجه بيه إلى جهاز مدينة القاهرة الجديدة.
تالت خطوة: تقدم صورة من الشيكات اللي وقعتها في البنك علشان تستلم خطاب المعاينة.
رابع خطوة: تروح موقع المشروع وتعمل معاينة للوحدة وبعدها يتم التسليم رسميًا.
علشان كده لو اسمك ضمن المرحلة دي حاول تلتزم بالموعد المحدد للعمارة بتاعتك، وتجهز كل الأوراق المطلوبة علشان تخلص إجراءات الاستلام قبل ما يقفل باب التسليم في منتصف مارس.
