منحة رمضان والعيد للعمالة غير المنتظمة بدأت.. اعرف هتصرف كام وإزاي

3000 جنيه هدية  من الحكومة.. لو إنت من العمالة غير المنتظمة فالخبر ده ليك
الدولة بدأت رسمياً صرف منحة رمضان بقيمة 1500 جنيه لكل مستحق تنفيذاً لتوجيهات الرئيس السيسي عشان تساعد الناس على مصاريف الشهر الكريم ومش بس كدة ده كمان فيه 1500 جنيه تانية منحة بمناسبة عيد الفطر يعني الإجمالي 3000 جنيه هيدخلوا جيبك عشان تعيّد إنت وأسرتك وتجيب كل اللي محتاجه.

وزارة العمل أعلنت إن الصرف بدأ من يوم 17 فبراير 2026 ومستمر لمدة شهر كامل من خلال منافذ البريد في كل المحافظات والمنحة دي مخصصة للعمال المسجلين في قواعد بيانات مديريات العمل اللي مالهمش دخل ثابت ولا تأمين والعدد السنة دي وصل لأكتر من 221 ألف عامل في 27 محافظة.

وعلشان تعرف ان كنت منهم ولا لأ ف الوزارة عملت رابط إلكتروني للاستعلام كل اللي عليك تدخل على موقع وزارة العمل وتختار خدمات العمالة غير المنتظمة وتحط رقمك القومي وهتعرف فوراً لو ليك نصيب في المنحة ولا لأ 
وعلى فكرة المنحة دي مش بس لرمضان ده فيه منح تانية طول السنة في عيد العمال وعيد الأضحى والمولد النبوي.