عائلية وسعرها على قد الايد.. أرخص عربية زيرو في السوق المصري

سعرها اقل من 600 الف وهتكفي العيلة كلها.. لو بتدور على عربية زيرو وواسعة وفي نفس الوقت سعرها على قد الإيد.

بروتون ساجا موديل 2026 حالياً هي أرخص عربية ملاكي زيرو في السوق المصري ووكيلها بيقدمها بفئة واحدة وسعر رسمي بيوصل 599 ألف 
العربية دي ماليزية ومناسبة جدا للعائلات الصغيرة .. بتنزل بمحرك 1300 سي سي وقوته 95 حصان ومعاها ناقل حركة أوتوماتيك من 4 سرعات وموفرة جدا في استهلاك البنزين وده اللي بيدور عليه أي حد عايز عربية للاستخدام اليومي
أما بالنسبة للأمان فالعربية فيها وسادتين هوائيتين قدام وفيها أنظمة فرامل مساعدة وحساسات ركن خلفية مع كاميرا عشان تسهل عليك الركنة وكمان فيها كماليات زي تكييف هواء وسنتر لوك ومرايات كهرباء ونظام صوتي بيدعم البلوتوث يعني واخد كل الأساسيات في عربية واحدة.