قبل زحمة العيد.. دليلك الكامل لحجز تذاكر القطارات

عيد الفطر قرب.. وعلشان ماتقفش في زحمة المحطات، تعالى نعرفك على كل طرق حجز تذاكر القطارات قبل العيد.. تقدر تحجز:  من الموقع الرسمي للهيئة القومية لسكك حديد مصر، عبر تطبيق Egyptian National Railways على Play Store وApp Store

الحجز الهاتفي للقطارات المكيفة والفاخرة: 1661 من المحمول أو 09000661 من الخط الأرضي، وشبابيك التذاكر ومكاتب الحجز المنتشرة على مستوى الجمهورية، ماكينات الحجز الذاتي (TVM) في المحطات الرئيسية، ووكلاء التحصيل الإلكتروني زي خالص، الأهلي ممكن، أمان، ماجيك باي وخدماتي.

بس خليك دايما فاكر.. احجز أونلاين أو عبر التطبيق لتجنب الطوابير، وتأكد من بيانات التذكرة قبل الدفع، وتابع مواعيد القطارات باستمرار لتجنب أي تغيير.. مع الخطوات دي، رحلتك للعيد هتكون سهلة، مريحة، ومن غير أي توتر.