الدهب والدولار والنفط.. إيه اللي هيحصل للأسعار بعد اندلاع حرب إيران؟
القنابل والصواريخ اتكلمت.. والسيناريو اللي كنا خايفين منه بقى واقع بنعيشه دلوقتي.. والكل بيسأل ياترى ايه تأثير الحرب على ايران على اسعار الدهب والنفط والدولار .. وازاى الاسواق هتتأثر بالمعركة بين أمريكا وايران؟ وهل إحنا قدام ليلة سقوط العملات الورقية وسيطرة الدهب والنفط على مقدرات الكوكب وهل فعلا مضيق هرمز بقى في ذمة التاريخ والبرميل رايح لمستويات الـ 200 دولار في الساعات الجاية؟
الحكاية مبقتش توقعات دي بقت معركة بقاء والأسواق العالمية بتنهار قدام عينينا في لحظة فارقة ممرتش على البشرية من سنين طويلة والكل دلوقت بيجري يلحق مكانه في سفينة النجاة قبل ما التضخم والأسعار يحرقوا الأخضر واليابس والطلقة اللي خرجت النهاردة صابت قلب الاقتصاد العالمي في مقتل وغيرت موازين القوى للأبد.
الأرقام اللي بتظهر على شاشات البورصة دلوقت بتقول إننا في حالة هلع حقيقي والنفط قفز قفزة تاريخية بمجرد سماع دوي الانفجارات لأن العالم أدرك إن إمدادات الطاقة بقت في خطر مباشر وممكن تنقطع في أي لحظة والدهب سجل أعلى مستوياته في التاريخ كملجأ وحيد من نار الحرب اللي ولعت في أهم منطقة استراتيجية في العالم والشركات العالمية بتخسر مليارات من قيمتها في دقايق بينما الدولار بيمارس سطوته كعملة ملاذ آمن في وقت الأزمات وده بيضغط بكل قوة على العملات الناشئة اللي بتتحسس مكامن الخطر في ظل زيادة تكلفة الشحن والتأمين وتوقف سلاسل الإمداد العالمية اللي هتخلي الأسعار تولع في كل بيت من غير استثناء والوضع دلوقت محتاج هدوء وحسن إدارة للأصول لأننا قدام زلزال اقتصادي لسه توابعه هتبان أكتر في الساعات اللي جاية ومع كل تطور عسكري جديد الأسواق هترد بعنف أكبر والرابح هو اللي عرف يحاوط على استثماراته ويحولها لأصول حقيقية تقدر تصمد في وش العاصفة اللي بدأت ومحدش عارف هتنتهي فين ولا إمتى.
أما الدولار الأمريكي فهيكون وضعه غريب ومزدوج في نفس الوقت لأن وقت الحروب الكبيرة المستثمرين بيروحوا للعملة الخضراء كنوع من الأمان وده هيخلي قيمته ترفع قدام كل العملات التانية بما فيها اليورو والإسترليني والعملات الناشئة اللي هتتعرض لضغوط جبارة لكن في نفس الوقت تكلفة تمويل الحرب والعجز اللي هيحصل في الموازنة الأمريكية ممكن يخلي فيه قلق طويل الأمد من استقرار النظام المالي العالمي كله وده هيزود الطلب أكتر وأكتر على المعادن النفيسة والنفط هيفضل هو المحرك الأساسي للأزمة لأن انقطاع الإمدادات من الخليج معناه إن المصانع في أوروبا وآسيا ممكن توقف إنتاجها والنتيجة هتكون ركود تضخمي عالمي يخلي الأسعار تزيد والنمو يختفي وده أصعب سيناريو ممكن يواجه البنوك المركزية اللي هتكون محتارة بين رفع الفائدة عشان تحارب التضخم وبين خفضها عشان تنقذ الشركات من الإفلاس.
الأسواق العالمية في اللحظة دي مش هتعترف بأي منطق غير منطق البقاء للأقوى والشركات التكنولوجية العملاقة والبنوك الاستثمارية هتخسر مليارات من قيمتها السوقية في أيام معدودة بينما شركات السلاح والطاقة هي اللي هتكون المستفيد الأكبر والمستثمر الذكي هو اللي بيبدأ من دلوقتي يوزع محفظته المالية ويخلي فيها جزء كبير من الدهب والسيولة النقدية عشان يقدر يواجه التقلبات العنيفة اللي هتحصل والمنطقة العربية هتكون في قلب العاصفة بحكم الجغرافيا والنفط وده هيخلي تكلفة التأمين على السفن والشحنات تزيد بمعدلات فلكية وده كله في النهاية هيصب في خانة زيادة أسعار كل السلع الأساسية من أول رغيف العيش لحد تذكرة الطيران والوضع فعلا محتاج مراقبة دقيقة لكل تحرك عسكري لأن الطلقة اللي هتخرج من السلاح هيكون ليها صدى في جيب كل واحد فينا في أقصى الأرض.
لو بصينا على التاريخ هنلاقي إن الأزمات اللي من النوع ده هي اللي بتعيد ترتيب القوى الاقتصادية في العالم والسيطرة على مصادر الطاقة بتتحول لسلاح أقوى من الصواريخ والدمار اللي هيحصل في البنية التحتية لقطاع البترول والغاز في منطقة الخليج لو تم استهدافه معناه إن العالم هيدخل في ظلام طاقي لشهور طويلة لحد ما تلاقي الدول بدايل تانية والدهب هيفضل هو السيد والملاذ الأخير اللي بيحفظ القيمة لما كل العملات الورقية تفقد معناها وقوتها الشرائية والحل الوحيد للدول دلوقت هو إنها تزود احتياطياتها من السلع الاستراتيجية والعملات الصعبة وتحاول تنوع مصادر طاقتها عشان لما العاصفة تهب تكون الجدران قوية كفاية إنها تحمي الاقتصاد من الانهيار الكلي وتعدي لبر الأمان بأقل الخسائر الممكنة في ظل صراع دولي الكل فيه خسران والرابح الوحيد هو اللي عرف يحمي أصوله قبل ما الحرب تبدأ فعليا وتغير موازين القوى.
