هل تم استبعادك من تكافل وكرامة 2026؟ اعرف طريقة التظلم واسترجاع الدعم خطوة بخطوة

لو صحيت يوم ولقيت اسمك اتشال من تكافل وكرامة متقلقش  في خطوات تقدر تعملها وترجع حقك لو أنت مستحق.

أول حاجة لازم تعرفها إن برنامج تكافل وكرامة بيخدم ملايين الأسر، والدولة بتراجع البيانات بشكل دوري عشان تتأكد إن الدعم رايح للناس اللي تستحقه فعلًا.

طيب ليه ممكن يتوقف الدعم؟ أسباب زي: وجود وظيفة مؤمن عليها.
الحصول على معاش تاني.
امتلاك ممتلكات بقيمة أعلى من الحد المسموح.
أو وجود بيانات غير دقيقة في الملف.
ولو اتوقف معاشك، الحل بسيط:
ادخل على الموقع الرسمي لـ وزارة التضامن الاجتماعي
اختار خدمة التظلمات.
اكتب الرقم القومي بتاعك.
اعرف سبب الإيقاف وقدم طلب مراجعة.
بعدها بيتم فحص طلبك ومراجعة المستندات، وبيجيلك الرد رسميًا بعد دراسة الحالة.

ولو حابب تستعلم عن حالتك من غير ما تروح الوحدة الاجتماعية، تقدر تدخل الموقع، تكتب الرقم القومي (14 رقم)، وتعرف موقفك فورًا.

كمان مهم تعرف إن في زيادة جديدة اتضافت للمستفيدين المقيدين بالفعل، بقيمة 400 جنيه، ضمن الحزمة الاجتماعية الجديدة.. وده بيأكد إن البرنامج مستمر في دعم الأسر مع ارتفاع الأسعار.

الدعم بيتم صرفه من:
ماكينات الصراف الآلي.
مكاتب البريد.
بطاقات الدفع الإلكتروني.
وموعد الصرف بيبدأ من نص كل شهر.