بعد تقدمه 9 مراكز عالميًا.. خطوات استخراج جواز السفر المصري لأول مرة

خبر حلو لكل اللي ناوي يسافر .. جواز السفر المصري طلع 9 مراكز عالمياً وبقى في المركز 81 حسب تصنيف Henley & Partners 
بعد ما كان في المركز 90 السنة اللي فاتت.

وده معناه إنك تقدر تسافر لـ 51 دولة من غير تأشيرة مسبقة.. يا إما من غير فيزا خالص أو تاخدها عند الوصول 
طيب لو عايز تطلع جواز سفر لأول مرة.

تعمل إيه؟ أول حاجة جهّز الورق: بطاقة رقم قومي سارية
4 صور شخصية بخلفية بيضا
شهادة قيد لو طالب
إثبات وظيفة
موقف التجنيد للذكور
ولو بتجدد هتجيب الجواز القديم
بعد كده: تدخل على الموقع الرسمي للإدارة العامة للجوازات التابعة لـ وزارة الداخلية المصرية
تملى استمارة البيانات
تدفع الرسوم
تستلم الجواز في المعاد المحدد

الرسوم كام؟ الجواز العادي حوالي 655 جنيه. ولو عايز خدمة مستعجلة أو VIP بتدفع رسوم إضافية حسب المكتب.

وخلي بالك أي شاب فوق 19 سنة لازم يكون موقفه من التجنيد واضح عشان يعرف يسافر.

ولو الجواز ضاع؟ بلغ فورًا قسم الجوازات لو جوه مصر، ولو بره مصر تتواصل مع القنصلية المصرية.