منحة التموين نزلت.. الحق اصرف قبل ما المهلة تخلص

آخر ميعاد لمنحة رمضان..  قبل ما الفرصة تفوتك… شوف إنت ليك فلوس ولا لأ.. إنت عارف إنك لو معاك بطاقة تموين، ممكن يكون ليك منحة 400 جنيه شهريًا من غير ما تقدم طلب، ولا تروح تسأل في أي حتة؟

وزارة التموين والتجارة الداخلية أعلنت إن صرف منحة رمضان بدأ من الأسبوع اللي فات، وده ضمن حزمة الحماية الاجتماعية لدعم الأسر الأكثر احتياجًا قبل الشهر الكريم.

طب تعرف هتعرف إزاي إنك مستحق؟
هتجيلك رسالة SMS على موبايلك بتأكد إن الدعم نزل على بطاقتك، وكمان رسالة بون صرف الخبز علشان تتأكد إن المبلغ الإضافي اتسجل.

قيمة المنحة 400 جنيه لكل بطاقة تموينية مستحقة، وبيتـصرفوا لمدة شهرين: مارس وأبريل.. يعني قدامك لحد نهاية أبريل تصرف الدعم.  وده آخر موعد رسمي.

المنحة دي بتغطي حوالي 10 مليون بطاقة، بإجمالي يقرب من 25 مليون مواطن، وبتكلفة توصل لـ8 مليارات جنيه خلال فترة التنفيذ.. لو جالك رسالة متتأخرش في الصرف، وخليك منتبه لرسالك موبايلك كويس الأيام دي.