سند المواطن من وزارة المالية.. اعرف طريقة الاكتتاب وقيمة العائد الشهري 17.75%

لو معاك 10 آلاف جنيه وعايز استثمار آمن بعائد شهري ثابت.. يبقى لازم تعرف تفاصيل سند المواطن.. وزارة المالية المصرية طرحت سند المواطن من خلال فروع الهيئة القومية للبريد في كل المحافظات.

طيب يعني إيه سند المواطن؟ هو أداة ادخارية حكومية بعائد سنوي ثابت 17.75%، وبتاخد العائد كل شهر، ولمدة 18 شهر، والعائد بيصرف صافي من غير ضرائب.

خطوات الاكتتاب:
تروح أقرب مكتب بريد
معاك بطاقة رقم قومي سارية
الحد الأدنى للشراء 10,000 جنيه
تكمل الإجراءات
تستلم ما يفيد عملية الشراء

وعشان تبقى عارف.. القيمة الاسمية للسند 1000 جنيه، وصرف العائد يوم 15 من كل شهر، والاسترداد متاح من خلال الفروع.. السند مناسب للي عايز دخل شهري ثابت، وعايز استثمار آمن من غير مخاطرة.