مقبضتش الـ1500 جنيه؟ اعرف إزاي تسجل في منحة العمالة غير المنتظمة قبل العيد
الأحد 22/فبراير/2026 - 09:55 م
لو إنت من العمالة غير المنتظمة ولسه مقبضتش الـ1500 جنيه.. بمناسبة رمضان وعيد الفطر، الدولة بتصرف منحة العمالة غير المنتظمة بقيمة 1500 جنيه لدعم الفئات الأكثر احتياجا.
طب مين يستحق المنحة؟ اللي مش مشترك في التأمينات، اللي معندوش دخل ثابت، عمال البناء – الصيادين – المزارعين – الحرفيين.. سنك من 20 لـ60 سنة، لكن خد بالك لازم تكون مهنتك مكتوبة في البطاقة، ومسجل رسميًا في مديرية القوى العاملة.
طيب لو مش مسجل تعمل إيه؟
تروح مديرية القوى العاملة في محافظتك وتسجل بياناتك.
أو من خلال الحملات والمبادرات الرسمية.
أو الحصر اللي بيتم في مواقع الشغل.
والصرف بيكون من مكاتب البريد بالبطاقة بس.
ولو عايز تستعلم؟ تقدر تدخل على موقع وزارة العمل.. أو تكلم الخط الساخن 19468. بس حدث بياناتك واستنى المواعيد الرسمية علشان متفوتش الصرف قبل العيد.
