وزارة الإسكان تعلن طرح وحدات سكنية جديدة لمتوسطي الدخل.. اعرف التفاصيل والخطوات
لو بتفكر تمتلك شقة في مشروع إسكان فاخر، الخبر ده ليك .. وزارة الإسكان هتطرح قريبًا وحدات جديدة لمتوسطي الدخل، ضمن المرحلة الثالثة من مشروعات ظلال وديارنا في المدن الجديدة على مستوى الجمهورية.
الوحدات هتكون بمساحات من 110 لـ125 متر مربع، وكاملة التشطيب، ومقدم الحجز مش أقل من:
250 ألف جنيه لشقق مشروع "ظلال"
200 ألف جنيه لشقق مشروع "ديارنا"
وخليني اقولك ان الطرح ده مناسب للناس اللي عايزة تختار المساحة والسعر اللي يناسب إمكانياتهم.
وطريقة الحجز سهلة أونلاين عبر منصة مصر العقارية:
اعمل حساب جديد بالموقع باستخدام بطاقة الرقم القومي ورقم موبايلك.
املأ بياناتك بالكامل وتأكد من صحتها، وافق على الشروط والأحكام.
فعل الحساب من رسالة التأكيد.
سجل دخول، وشوف كراسة الشروط للمشروع اللي حابب تحجز فيه.
اختار الوحدة، وارفع المستندات المطلوبة.
ادفع مبلغ جدية الحجز إلكترونيًا عبر وسائل الدفع المعتمدة على المنصة.
الطرح الجديد هيكون رسمي خلال شهر مارس 2026، ضمن خطة وزارة الإسكان لتوفير وحدات لمتوسطي الدخل في أكثر من مدينة جديدة.. لو بتفكر تمتلك شقة، الريل ده هيساعدك تعرف كل الخطوات من التسجيل للحجز بسرعة وسهولة.
