أرخص عربية كروس أوفر زيرو في مصر جاك جي إس 2 موديل 2025

لو بتدور على عربية زيرو وسعرها يكون حنين وسط الأسعار اللي بنسمعها اليومين دول.. فالعربية دي ممكن تكون هي الحل.. لأنها حاليا أرخص كروس أوفر في السوق المصري وهي جاك JS2 موديل 2025.. العربية دي بتقدمها مجموعة القصراوي بفئة واحدة وسعرها الرسمي 710 ألف جنيه.

العربية بتيجي بمحرك 1500 سي سي بيطلع قوة 113 حصان وعزم دوران 146 نيوتن مع ناقل حركة أوتوماتيك ومساحتها كويسة جدا خصوصا الشنطة الخلفية اللي بتشيل لحد 450 لتر يعني هتاخد معاك كل طلبات البيت والشنط في السفر براحة تامة.

أما بالنسبة للتجهيزات فالعربية فيها كل الأساسيات اللي هتحتاجها زي عجلة قيادة متعددة الوظائف ومثبت سرعة وحساسات ركن وبلوتوث وكمان مهتمين بوسائل الأمان زي نظام الثبات الإلكتروني ESP وفرامل ABS ووسائد هوائية ونظام مراقبة ضغط الإطارات.

يعني لو ميزانيتك في حدود 720 ألف جنيه وعاوز تركب عربية عالية عن الأرض وشكلها شيك وكمان زيرو يبقا لازم تحط الجاك JS2 في حساباتك