غرامة بتوصل لـ 2 مليون جنيه.. خلي بالك وانت بتشتري
الإثنين 26/يناير/2026 - 09:48 م
غرامة بتوصل لـ 2 مليون جنيه.. لو انت صاحب محل او حتى بتشتري لبس أو أجهزة أو اي حاجة وبتمشي من غير ما تاخد فاتورة فـ خلي بالك.. أنت كدة بتضيع حقك وكمان بتعرض المحل لعقوبة كبيرة.
قانون حماية المستهلك الجديد مفيش فيه هزار.. والمادة 10 بتلزم أي بائع يسلمك فاتورة رسمية فيها كل التفاصيل رقم التسجيل الضريبي وتاريخ البيع وسعر ومواصفات المنتج بالملي.
واللي هيخالف الكلام ده عقوبته بتبدأ من 30 ألف جنيه وممكن توصل لمليون جنيه وفي حالات تانية الغرامة بتوصل لـ 2 مليون جنيه أو ضعف قيمة المنتج نفسه.
القانون ده معمول عشان يضمن حقك لو حبيت ترجع المنتج أو تشتكي من عيب صناعة فماتفرطش في حقك مهما حصل واطلب فاتورتك.
