مصر داخلة بقوة.. نص مليون عربية في السنة.. هل هنتحول لقلعة صناعة السيارات في المنطقة؟
الأحد 25/يناير/2026 - 02:00 ص
خبر مهم جدًا لكل اللي مهتم بسوق العربيات في مصر… المستشار أسامة أبو المجد رئيس رابطة تجار السيارات كشف عن خطة ضخمة شغالة دلوقتي.
مصر كان فيها 18 مصنع تجميع عربيات بس، دلوقتي بقوا 27 مصنع.. وكل ده في سنة واحدة.
طب إيه الهدف؟ الهدف إننا بحلول سنة 2030، نكون بننتج نص مليون عربية في السنة.
والرقم ده مش بس للسوق المحلي، ده جزء كبير منه هيروح للتصدير، خصوصًا للأسواق الأوروبية اللي إحنا بنصدر لها بالفعل.
ده معناه إن مصر مش بس بتجمع عربيات، دي بتتحول لقلعة صناعية حقيقية في المنطقة.
