طريقة الاستعلام عن شقق الإسكان الاجتماعي.. وموعد سداد الأقساط

لو مقدم في شقق الإسكان الاجتماعي، وبتسأل طلبك اتقبل ولا لأ؟
ركز معايا في الخطوات دي 
أول حاجة تدخل على موقع صندوق الإسكان الاجتماعي ودعم التمويل العقاري.

تختار "مركز خدمة المواطنين"،
وبعدين تسجل دخولك بالرقم القومي والرقم السري.

بعد كده تضغط على "استعلام"،
وهتظهرلك كل بياناتك، وحالة طلبك، وهل انطبق عليك الشروط ولا لأ.

طيب إمتى سداد الأقساط؟ سداد الأقساط بيبدأ بعد إعلان نتيجة الفرز مباشرة.

والصندوق بيبعت رسالة SMS لكل المتقدمين، سواء بالقبول أو الرفض، ومعاها تفاصيل الخطوة اللي جاية.

والأقساط بتكون ربع سنوية، يعني كل 3 شهور قسط، بإجمالي 4 أقساط في السنة.

والدفع متاح بطرق سهلة:
محافظ إلكترونية
كروت بنكية وكارت ميزة
الدفع الإلكتروني
وكمان مكاتب البريد المميكنة.

المدفوعات بتشمل مقدم الحجز المصاريف الإدارية، ووديعة الصيانة،
وفي بعض الحالات جزء منها بيدخل ضمن التمويل العقاري لتخفيف العبء.

يعني لو مقدم في سكن لكل المصريين 7، تابع طلبك أونلاين، واستعد لسداد الأقساط أول ما النتيجة تطلع.