لو قدمت في سكن لكل المصريين 7.. الاستلام امتى؟

خبر مهم لآلاف اللي مقدمين على شقق الإسكان الاجتماعي.. وزارة الإسكان من خلال صندوق الإسكان الاجتماعي ودعم التمويل العقاري بتستعد خلال الفترة الجاية لإعلان نتيجة فرز شقق سكن لكل المصريين 7.

النتيجة هتكون للمتقدمين من محدودي ومتوسطي الدخل اللي قدموا في الإعلان.. الصندوق أكد إن سداد الأقساط هيبدأ بعد إعلان نتيجة الفرز وتحديد أصحاب الأولوية، وكل المتقدمين هيوصلهم رسالة على الموبايل بتوضح نتيجة الفرز سواء قبول أو رفض.

وفي حالة القبول هيتم تحديد موعد سداد الأقساط الربع سنوية، والأقساط بتتسدد كل 3 شهور يعني 4 أقساط في السنة، لو مقدم خليك متابع موبايلك كويس لأن الرسالة هي الأساس في كل خطوة جاية.