شقتك ممكن تتسحب منك بسبب "الكهرباء"

عارف إن شقة الإسكان الاجتماعي اللي استلمتها وتعبت في أقساطها ممكن تتسحب منك لسبب 'غريب' وميخطرش على بالك مش بس عشان مأجرها أو بايعها.. لأ! ده لو عداد الكهرباء بتاعك مسجل صفر استهلاك لمدة طويلة

بيعتبر إن عدم استهلاك الكهرباء معناه إنك 'مش محتاج' للسكن، وإنك واخدها تسقعها أو للاستثمار.. وده ممنوع.. الجهاز بيعمل حملات تفتيش دورية، ولو لقوا الشقة مهجورة والعداد مبيتحركش، بيتم تحرير محضر وسحب الشقة فورا.. لو استلمت، لازم تسكن أو على الأقل تتردد على الشقة وتفتح نورها.. متخليش حلمك يضيع عشان تفصيلة صغيرة.