لو عملت مخالفة وشقتك هتتسحب.. قدامك فرصة أخيرة

فيه ناس كتير عندها شقق إسكان اجتماعي وعايشة في قلق بسبب مخالفات عليها او تصرف حصل في الشقة او حتى حكم قضائي بسحب الوحدة.. فيه توضيح مهم لازم كل الناس تسمعه كويس.

مي عبد الحميد الرئيس التنفيذي لصندوق الإسكان الاجتماعي قالت إن الصندوق ممكن يقبل طلبات المواطنين حتى لو متحرر ضدهم محاضر مخالفة بسبب البيع او صدر حكم قضائي بسحب الشقة.

بس بشروط واضحة لو المخالفة اتحررت قبل ما يعدي 3 سنين على استلام الشقة في الحالة دي لازم سداد 80% من فرق السعر بالاضافة لكل الرسوم المقررة.

وفي شرط اساسي من غيره مفيش اي اجراء وهو ان العميل يكون مسدد كل مستحقات الشقة بالكامل لجهة التمويل.

ويقدم إفادة رسمية تفيد بمخالصة سداد كامل الثمن الخلاصة حتى لو موقفك معقد ولسه فيه مخالفة.

القرار ده فتح باب لتقنين الاوضاع لكن الالتزام بالشروط هو الفيصل والكلام ده يخص كل واحد عنده شقة إسكان اجتماعي.